Ya’axche’e juntúul maaya ko’olel ku táan óoltik kananil ti’ u k’oja’anil Canceril iim.
Yaan u ye’esik teec bix a xak’altik a wiim tumen u 90% il chu’uchumo’obe’ ku ts’aka’alo’ob wa ku yila’al tu p’iis tyempóo yéetel le u xak’altikubáaj máake’ u yáax bixil u yila’al le k’oja’anil canceril iima’ utia’al beyo’ ku tokik u kuxtal máak ti’.
Áartista
Adrian Gonzales Espinozae’ juntúul máak ku ajmeyaj yéetel u k’ab ti’ u ka’atéen ch’i’ibal ku beetik yéetel u kúuchkabal mejen oochelilo’ob ti’ úuchben miatsilo’ob yéetel k’at. Ts’o’ok maas ti’ 30 ja’ab ku meyaj yéetel ku kaxtik u jel ja’ats’ik tuláakal ba’ax u yil yéetel miatrilo’ob tu’ux káajo’on.
Sutt’aan
José Isaac Po Chabe’ tu xokaj licenciatura ti’ teología tu najil xook seminario presbiteriano San Pablo tu kaajil Jo’. Yaan 54 ja’ab ti’. Leti’e’ u ka’ansajil Maayat’aan tu yólal UNAM tu ja’abil 2007, ts’o’ok u ts’aaj xook tu jejeláas nijil xook yéetel ti’ máako’ob ku kaniko’ob maayat’aan. Leti’e’ sijnáal u t’aan maaya yéetel ti’ kaja’an Kanasin Yucatane’. Bejla’e’ ajka’ansaj ti’ Telebachillerato Comunitario ti’ Yucatan.
Ts’oka’an u beel yéetel Lusi Carrillo ts’o’ok 24 ja’ab, ka’atúul u mejen xch’úpu paal: Sasilbeh yéetel Lolbeh.
U PÁAJTAL U TÉEK ILIK K’OJA’ANIL YÉETEL SUUKIL MEYAJO’OBE’ KU TOKIK KUXTAL.
To’one’ jump’éel molay ts’o’ok 9 ja’ab káajako’on láaj u ka’anal xoknáalilo’ob toj óolal ku táakmuuk’ utia’al u k’exik talamilo’ob ichil u xaak’alil yéetel u toj úulalil kuxtal máaxo’ob yaan u k’oja’anil cáncer ti’ iim tu noj lu’umil Mexico.
Maas mu’uk’a’ano’on wa k ojeltik ba’ax k’abet, le óolal k jo’olintik péeksilo’ob ku luk’sik ba’ax ku k’al bej ti’ u xaak’alil yéetel u ts’aakankil tu séeba’anil iim.
Máans le táabsbil oochela’ wa le kúuchil ti’ u maasil u ko’olelo’obil a kaajal, ko’one’ex beetik le xaka’ltik iima’ k miatsil xan.